[OC]

Quand descobriguèri çò que se ditz la Novèla Cançon Occitana de las annadas setanta, foguèri estabosit per la riquesa e la qualitat d’aquel moviment : d’artistas, al pus pròcha de lor pòble, que jògan una musica tota impregnada de realitat viscuda, d’istòria sentida e dels espèrs los pus vius. La tenor musicala n’es passionanta que capitan de reünir folk modèrn american o sud-american e tradicionals occitans de la granda riquesa instrumentala redescobèrta.
Mai que tot lo biais d’existir d’aquela musica es d’una radicalitat remarcabla e es aquò que li dona sa poténcia : lo principal label – Ventadorn – que promòu aquel moviment es una cooperativa que ten un fonctionament orizontal e que se desvolopa amb los moviments socials de son temps : Larzac, moviment viticòla … Cada artista es impregnat de sa pròpria realitat, inspiracions, luchas, e desenvolopa aital son originalitat.
E çò que sorgís de tot aquel formigament creatiu es lo rebat de las preocupacions que travèrsan aquela epòca : lo besonh furiós de s’exprimir, de cridar una volontat de viure qu’es aquela d’un pòble de tròp longa demorat mut.

Aital la vergonha encocada tre l’enfança de parlar sa pròpria lenga es un subjècte que trèva los cantaires occitans, mas tanben l’exòde forçat cap al Nòrd dels trabalhaires d’una “region” delaissada per l’economia nacionala (“tu me disiás ma maire: ont vas viure mon filh ?” -Martí). Tanben de tèmas recurents : l’anti-militarisme – lo sovenir de las doas grandas guèrras que tuèron tant d’occitans qu’es encara viu -, lo neo-colonialisme obscèn del torisme que fa de merça del païs al mesprètz dels estatjants e de la natura, e de preocupacions ecologistas que començan de puntejar.
Muda tanben èra nòstra istòria, passada jos silenci pel rotlèu barrutlaire del raconte “Republican”, mas que se canta tornamai amb una votz fièra : Maria Roanet canta la mòrt de Simon de Montfòrt – cap de fila de la Crosada en Lengadòc al tretzen sègle – e las revòltas païsanas, Martí canta l’insurrecion de 1907 e aqueles que “volguèron pas tirar” … Es l’istòria tota de la colonizacion per França e de sas resisténcias que sortís de l’escur; mas es tanben una cultura populara, de danças de fèsta, de cants satirics, o de celebracions mitologicas, qu’es tornada viva dins çò que ten de mai interessant.

“Sabi la sòrga, la cal plan cercar” – Patric

Escrivi a la debuta de las annadas dos-mila-vint. La revolucion de las annadas setanta cabussèt. La decennia uèitanta foguèt aquela de la contra-insurreccion e de la victòria del capitalisme liberal. Mai que mai vivèm uèi un periòde d’atomisacion dels individus e de pèrda de ligams per far communautat. Çaquelà, los indigènas del Chiapas se son soslevats en 1994, lo pòble kurde que sa lenga e cultura son de longa reprimidas farga son autonomia al dedins de la guèrra al Rojava, lo moviment ecologista pren d’ample e de revòltas espetan de pertot per lo monde.
Lo besonh se fa sentir en occident de tornar trobar quicòm per faire ligam, per nos tornar conéisser e inventar un melhor biais d’èsser al monde, e vesi dins la Novèla Cançon una inspiracion.
Se los subjèctes qu’abòrda an uèi cambiat de forma, la rasic ne demòra la meteissa, e totjorn la vida se bolega dins sa musica.

Çaquelà i a un problèma : sembla que tot aquela cultura es estada desbrembada. Los vièlhs se’n sovenon, vertat, benlèu qu’an encara los vinils, mas pels mai joves cossí far ? Jamai tornats editar dempuèi la tampadura dels labels Revolum e Ventadorn, se pòdon pas gaire trobar sul mercat tanpauc existisson en format numeric. Ne demòra donc sonpas que que qualques cançons mai o mens ben numerizadas sur youtube. Uèi coma aperabans, nos cal tornar bastir nòstra istòria …
Es per aquò que me soi donat lo projècte de tornar rendre accessible al pus grand nombre aquela musica. Internet es de segur un esplech privilegiat. Me tracharai de numerizar los disques que m’agradan e que me semblan importants. Farai aquò del biais lo pus pedagogic possible, en botant las traduccions en francés e en explicant quand es necessari les contèxtes istorics. Tanben, m’arrestarai pas a la Novèla Cançon e botarai aicí tota musica occitana que me sembla portaira del meteis vam de revòlta e de libertat.

– Occitania Pirata, octòbre de 2022

La musique occitane à la conquête de la vie

Quand je découvris ce qu’on appelle la Novèla Cançon Occitana (Nouvelle Chanson Occitane) des années soixante-dix, je fus stupéfait par la richesse et la qualité de ce mouvement : des artistes, au plus proche de leur peuple, jouant une musique toute imprégnée de réalité vécue, d’histoire sentie et des espoirs les plus vivants. La teneur musicale en est passionnante, réussissant à réunir le folk américain ou sud-américan et la musique traditionnelle occitane dont la grande richesse instrumentale est redécouverte.
Plus que tout la manière d’exister de cette musique est d’une radicalité remarquable et c’est ce qui lui donne sa puissance : le principal label (Ventadorn) qui promeut ce mouvement est une coopérative qui a un fonctionnement horizontal et qui se développe avec les mouvements sociaux de son temps : Larzac, mouvement viticole, etc … Chaque artiste est imprégné de sa propre réalité, ses inspirations, ses luttes, et développe ainsi son originalité.
Et ce qui surgit de tout ce fourmillement créatif est le reflet des préoccupations qui traversent cette époque : le besoin furieux de s’exprimer, de crier une volonté de vivre qui est celle d’un peuple qui était trop longtemps resté muet.

Ainsi la honte (vergonha) inculquée dés l’enfance de parler sa propre langue est un sujet qui hante les chanteurs occitans, mais aussi l’exode forcé vers le Nord des travailleurs d’une “région” délaissée par l’économie nationale (“tu me disais, ma mère : “où va tu vivre mon fils ?” ” – Martí). D’autres thèmes récurrents : l’antimilitarisme – le souvenir des deux grandes guerres qui tuèrent tant d’occitans étant encore vivant -, le néo-colonialisme obscène du tourisme que transforme le pays en marchandise au mépris des habitants et de la nature, et des préoccupations écologistes qui commencent à poindre.
Muette était aussi notre histoire, passée sous silence par le rouleau-compresseur du récit “Républicain”, mais qui se chante à nouveau avec une voix fière : Maria Roanet chante la mort de Simon de Montfort – chef de file de la Croisade en Languedoc au XIIIème siècle – et les révoltes paysannes, Martí chante l’insurrection de 1907 et ceux “qui n’ont pas voulu tirer” … C’est toute l’histoire de la colonisation par la France et de ses résistances qui sort de l’obscurité; mais c’est aussi une culture populaire, danses de fête, chants satiriques, ou célébrations mythologiques, qui est rendue à la vie dans ce qu’elle tient de plus intéressant.

“je sais où est la source, il faut bien la chercher” -Patric

J’écris au début des années deux-mille-vingt. La révolution des années 70 à échouée. La décennie 80 fut celle de la contre-insurrection et de la victoire du capitalisme néolibéral. Nous vivons de surcroit aujourd’hui une période d’atomisation des individus et de perte de liens pour faire communauté. Cependant, les indigènes du Chiapas se sont soulevés en 1994, le peuple Kurde dont la langue et la culture sont depuis longtemps réprimées construit son autonomie à l’intérieur de la guerre au Rojava, le mouvement écologiste prend de l’ampleur et des révoltent éclatent partout dans le monde.
Le besoin se fait sentir en occident de retrouver quelque chose pour faire lien, se connaitre à nouveau et inventer une meilleure manière d’être au monde, et je vois dans la Novèla Cançon une inspiration.
Si les sujets qu’elle aborde ont changé de forme, la racine en reste la même, et la vie s’agite toujours autant dans sa musique.

Il y a cependant un problème : toute cette culture semble avoir été oubliée. Les vieux s’en souviennent, c’est vrai, ils ont peut être encore les vinyles, mais pour les plus jeunes comment faire ? Jamais réédités depuis la fermeture des labels Revolum et Ventadorn, ils ne sont pas trouvable sur le marché et n’existent pas non plus au format numérique. Il ne reste donc que quelques chansons plus ou moins bien numérisées sur youtube. Aujourd’hui comme avant, il nous faut reconstruire notre histoire …
C’est pour cela que je me suis donné le projet de rendre à nouveau accessible au plus grand nombre cette musique. Internet est pour sur un outil privilégié. Je m’occuperais de numériser les disques qui me plaisent et qui me semblent importants. Je ferais cela de la manière la plus pédagogique possible, en mettant les traductions françaises et en expliquant les contexte historiques quand cela est nécessaire. Aussi, je ne m’arrêterai pas à la Novèla Cançon e je mettrais ici toute musique occitane qui me semble porteuse du meme élan de révolte et de liberté.

– Occitania Pirata, octobre 2022